+21 °С
Болотло
Бөтә яңылыҡтар
Файҙалы эштәр йылы
15 Декабрь 2023, 14:18

Яугирҙәр өсөн Яңы йыл бүләктәре әҙерләнде

Яугирҙәр өсөн Яңы йыл бүләктәре әҙерләнде
Яугирҙәр өсөн Яңы йыл бүләктәре әҙерләнде

“Һалдаттар өсөн тегәбеҙ” тегеү цехы эшен тырышып дауам итә. Һәр көн ирекмән ҡатын-ҡыҙҙар ғәҙәти эштәре менән мәшғүл. Ирекмәндәр хәрәкәтенә әленән әле күберәк халыҡ ярҙам итеүе ҡыуаныслы. Яугирҙәр өсөн бер партия посылка әҙер, уларҙың адрестарын туғандары бирҙе. Яҡшылап төрөлгән тартмаларға кәрәкле мәғлүмәттәр яҙылған, уларҙы Салауат ҡалаһының гуманитар конвойы йөгө менән яҡташтарыбыҙға илтеп тапшырасаҡтар.

Яңы йыл алдынан күпселек яугирҙәребеҙ бүләктәр аласаҡ. Шәхси йыйылмаларға йылы кейемдәр, гигиена саралары, оҙаҡ һаҡланыусан ризыҡтар, тәм-том һәм башҡа файҙалы тауарҙар инә. Шулай уҡ уҡыусыларҙың хаттарын һәм “Ашҡаҙар таңдары” гәзиттәрен дә һалғандар.

Әлеге ваҡытта ирекмәндәргә төрлө, шул иҫәптән Ҡораласыҡ, Батыр, Динес ауылдарынан ауыл халҡы ҡушылды. Махсус хәрби операцияла ҡатнашыусыларҙың туғандары һәм яҡындары ла ситтә ҡалмай. Ирекмәндәр һәр бер ярҙамға шат.

Кузьминовка ауылынан Иван һәм Марина Храмовтар сало килтергән. Уны Златоустовканан Галина Евдокимова тоҙлаған. Бына тыш, ул флистан башлыҡтар теккән. Ошо һәм Ишмөхәммәт ауылы халҡы өй туҡмасы, консерваланған борщ һәм рассольник эшләгән. Улар бал һәм башҡа аҙыҡ-түлек тә алып килгән. Фёдоровканан ирекмән Татьяна Чавкина ҡулға ҡыҙыл туҡыманан “Свой-чужой” бәйләместәре тегә. Таисия Атягина Кузьминовканан килә һәм цехта башҡалар менән селтәр бәйләй, посылкалар тултырыша. Район гәзите хеҙмәткәре Светлана Зайцева носилкалар тегә һәм район үҙәгенең ике ирекмән төркөмө аша яугирҙәргә тапшыра.

Юлдаштар ҙа эшкә әүҙем ҡушылды. Был ауыл клубында Филүз Юлдашбаев етәкселегендә ике сменала маскировкалау селтәрҙәре үрәләр һәм окоп шәмдәре яһайҙар. Бер төркөмдә – ирекмән-пенсионерҙар, ә икенсеһендә - “Ағинәйҙәр” клубы ағзалары.  Зөһрә Юлдашбаева үҙе әҙерләгән борщ һәм йылы юрған тапшырған. Ошо ауылдан, әлеге ваҡытта Өфөлә йәшәгән, Әғләм Әлибаев бензин генераторы тапшырған. “Гип-Электро” белгестәре был ҡорамалды тикшергән, уны тиҙҙән әлеге ваҡытта ялда булған яугир алып китәсәк.

Лилиә Исмәғилева етәкселегендәге Аҡбулат оҫтабикәләре йөн ойоҡбаштар бәйләгән. Улар өй туҡмасы ла әҙерләгән. Ошондай уҡ тәмле йорт ризығын район үҙәгенән Венера Ҡәҙирова һәм Динестән Илһөйәр Кантимерова ла әҙерләп тапшырған. Илһөйәр ханым күп итеп ҡаҡ һәм сәй өсөн киптерелгән шифалы үләндәр ҙә алып килгән. Ҡораласыҡ ауылынан һуғыш йылы балалары Мәүә Мусина менән Фәниә Мөхәмәтшина фронт ауырлыҡтарын яҡшы хәтерләй. Оло йәштә булыуҙарына ҡарамаҫтан, улар үҙҙәре бәйләгән йөн ойоҡбаштар һәм аҡса ла тапшырған.

Покров-Эннат монастыре атаҡай Николай бихисап шәм ҡалдыҡтары алып килгән.

“Фёдоровка районы хакимиәтенә һәм ауыл халҡына матди ярҙамдары һәм ышаныстары өсөн ҙур рәхмәт. Күп кенә тауарҙарҙы ташлама менән һатҡандары өсөн “Уют” мағазинына рәхмәтлемен. Беҙ бергә көслө. Беҙ йыйған һәр посылка – ҙур хеҙмәт ул. Ә берҙәм тырышлыҡ менән яуғирҙәребеҙгә ярҙам итә алыуыбыҙ айырыуса ҡыуаныслы. Ҡышын яугирҙәребеҙ блиндаж шәмдәрен көнкүрештә файҙалана. Уларҙы әҙерләү өсөн таҙа , этикеткаһыҙ тимер банкалар кәрәк. Бындай һауыттарҙы сүпкә ташламайынса, беҙгә алып килеүегеҙҙе һорайбыҙ. Балауыҙ йәиһә парафин ҡабул итәбеҙ.

Яңы йыл илебеҙгә Еңеү алып килһен, ә Ватанды һаҡлаусыларыбыҙ иҫән-һау өйҙәренә ҡайтһын”, - ти тегеү цехы активисы Гөлназ Мөрсәлимова.

 

Фото тәҡдим ителде.

Автор:Елена Маганева
Читайте нас: