Яҡшы тештәр - бала саҡтан

Фёдоровка 1-се мәктәбендә «Осош» республика мәғариф проекты һәм «Сәләмәт йылмайыу» модуле сиктәрендә махсус йыһазландырылған стоматология кабинеты эшләй. Аҙна һайын шишәмбе һәм кесаҙна көндәрендә район дауаханаһының өс табип - стоматолог унда график буйынса эшләй. Башланғыс, урта һәм өлкән класс уҡыусылары тештәрен тикшерткән дә инде.

         Санитар-һауыҡтырыу профилактик эше уҡыу йылы буйына  дауам итәсәк. Декабрҙән әлеге кабинетта  Фёдоровка 2-се мәктәбе уҡыусыларының ауыҙ ҡыуышлығын тикшереү һәм санациялау башланасаҡ. Ағымдағы йылдан башлап, мәктәп сайтында алдан яҙылыу буйынса уҡытыусылар ҙа ҡабул ителәсәк.

Гөлрайхан БАҠЫЕВА.