Нуриман үҙәк район дауаханаһында яңы видеогастроскоп ҡуйылды

«Һаулыҡ һаҡлау» милли проекты сиктәрендә, Нуриман районының Ҡыҙылъяр ауылы үҙәк район дауаханаһына яңы медицина ҡорамалы - заманса видеогастроскоп килтерелде. 9,2 миллион һумлыҡ ҡорамал федераль бюджет сараларына һатып алынған.

Видеогастроскоп бөтә нормативтарға ла тап килә, аппарат пациенттың уңайһыҙ тойғоларын  да кәметә.

- Яңы видеогастроскоп ярҙамында сирҙе сифатлы диагностикалау мөмкинлеге барлыҡҡа килде, был киләсәктә онкология сирҙәренең иртә стадияларын, яман шештәрҙе асыҡлау мөмкинселеге бирәсәк, - тип билдәләне Нуриман үҙәк район дауаханаһының баш табибы Салауат Ғайсин.

Яңылыҡ һәм фото сығанағы:https://nuriman.bashkortostan.ru/