Ғафуриҙар шахмат буйынса Башҡортостан сода компанияһының Бөтә Рәсәй кубогында ҡатнашты

Быйыл «Демография» милли проектының «Спорт - йәшәү нормаһы» федераль проекты сиктәрендә, «Башҡортостан сода компанияһы» акционерҙар йәмғиәте шахмат буйынса Бөтә Рәсәй турниры уҙғарҙы. Унда бөтә илдән 130-ҙан ашыу уйынсы ҡатнашты.

«Был турнир - үҙеңде, оҫталығыңды күрһәтеү генә түгел, тәжрибә туплау, танылған шахматсылар һәм гроссмейстерҙар менән партияла уйнау өсөн шәп мөмкинлек», - тип билдәләне «Башҡортостан сода компанияһы» акционерҙар йәмғиәтенең йәмәғәтселек менән бәйләнештәр буйынса директоры Сергей Лобастов.

Турнир призерҙары иҫәбендә ғафуриҙар ҙа бар: 2012-2011 йылғы егеттәр төркөмөндә Даниил Никифоров икенсе урын алды (икенсе күрһәткес буйынса), ә Алтынай Вәлишина 2013 йылғы һәм унан йәшерәк ҡыҙҙар араһында өсөнсө булды.

Яңылыҡ һәм фото сығанағы: https://gafury.bashkortostan.ru/